Иако бамбусот за многумина изгледа како привлечен и егзотичен додаток во градината, речиси сите на крајот се каат што го засадиле. Причината е едноставна – ова растение е исклучително инвазивно.

Ова го предупреди и еден искусен градинар на Тикток, по што започна огромна дискусија за садење бамбус во која многумина се пожалија дека нивните градини биле целосно уништени откако го засадиле.

„Не правете ја истата грешка како мене. Овој жолт бамбус изгледа прекрасно, но е ужасно инвазивен“, рече градинарот во видео кое собра илјадници прегледи.

@gardening.generations #invasiveplants #bambooplant #gardening ♬ original sound – gardening.generations

Тој покажа колку изданоци се појавија само оваа година – тие буквално никнаа насекаде. Иако успеа да го држи донекаде под контрола, тој предупредува што ќе се случи ако некој го засади во мал двор.

Имено, со текот на годините работел на бројни имоти каде што бамбусот „подивел“, пробивајќи огради, кревајќи тротоари, влегувајќи во соседните дворови и предизвикувајќи вистинска штета.

Иако нагласува дека бамбусот може да биде навистина импресивен, особено ако имате доволно простор, тој доаѓа и со забелешка. Неговите стебла и изданоци се толку силни што можат да пробијат пукнатини во бетон, калдрма, па дури и да уништат цевки и темели на куќи.

@themediterraneangardener Should you plant bamboo in the ground? #plants #gardening ♬ original sound – Michael – Gardening tips

Ако одлучите да садите бамбус, експертите советуваат да изберете згрутчени сорти што остануваат на едно место. Друга опција е да го садите во голем сад или со физичка бариера – копање ров длабок најмалку 60 см околу растението и вметнување цврста бариера за да се спречи ширењето на корените.