ВИДЕО | „Ова е неверојатно“: Американските власти зачудени откако среде пустина пронајдоа мистериозен монолит
Огромна, метална плочка го украде вниманието на милиони луѓе ширум светот денес, кои шпекулираат како таква структура се нашла сред пустината во јужниот дел од американската држава Јута.
Објектот првично е забележан минатата недела од пилот кој управувал со хеликоптер, придружуван со уште неколку лица. Тимот летал во пределот со цел прибирање точна бројка на овци со големи рогови за годишниот државен извештај, пишува британски Гардијан.
Штом го забележале мистериозниот монолит, веднаш се сетиле на култниот филм 2001: Одисеја на Стенли Кјубрик, но признаваат дека низ глава им поминале мисли дека можеби станува збор за дело на вонземјани.
Пилотот Бред Хачингс имал можност да ја воочи огромната метална плоча одблизу и претпоставил дека најверојатно станува збор за уметничка инсталација.
View this post on Instagram
Ова е најчудното нешто со кое досега сум се сретнал сите овие години летајќи над земјата! Еден од биолозите го забележа и веднаш прелетавме над огромната плочка. Беше запрепастен, ми рече -чекај, чекај, сврти се, сврти се!- по што го прашав зачудено, што се случи?, а тој ми одговори – видов нешто доле, мора да видиме што е!“, изјавил пилотот, пренесува Гардијан.
Пилотот вели дека објектот изгледал како да е човечки дизајн и наликувал како да е потиснат подлабоко во земјата, а не како да е паднат од небо.
The @UtahDPS helicopter was assisting the @UtahDWR in counting bighorn sheep in remote southern Utah Wednesday when the crew encountered something entirely 'out of this world'…@KSL5TV #KSLTV #Utah
Photojournalist: @Photog_Steve5 pic.twitter.com/f8P0fayDIS
— Andrew Adams (@AndrewAdamsKSL) November 21, 2020
Инаку, тој го асоцира овој мистериозен монолит со култниот филм од режисерот Стенли Кјубрик од 1968 година поради легендарната сцена со која започнува филмот, кога група мајмуни се среќава со огромна метална плочка.
Како што пишува Гардијан, кога во хеликоптерот ја здогледале плочката, се почувствувале како во истоимената сцена, зачудени се удирале по рамињата дали сите го гледаат истиот мистериозен монолит на земјата.
Станува збор за оваа сцена:
– Се шегувавме дека ако некој од нас наеднаш исчезне, другите би се обиделе да избегаат, изјави на крај пилотот.
Ова не е првпат монолит да ја изненади јавноста, откако се рашири веста, мистериозниот монолит се споредува со скулптурите на уметникот Џон Мекрекен, кој живееше во Њу Мексико и Њукјорк се до неговата смрт во 2011. Давид Звирнер, во чија галерија се наоѓаат делата на Мекрекен не одговрил веднаш на повиците од медиумите за коментар.
Сепак, денеска за Гардијан потврдил дека овој мистериозен монолит не е дело на починатиот уметник Џон Мекрекен. Но, Звинер вели дека можеби станува збор за уметник кој сака да му оддаде почит на Џон.
Она што е сигурно е дека без авторизација, нелегално е да се поставуваат уметнички инсталации на простори во сопственост на државата, според правилата на Одделот за јавна безбедност на Јута: „Ова е вистина, безразлика од која планета сте“, велат оттаму во соопштение.
Од одделот за безбедност велат дека не планираат да ја објават точната локација на мистериозниот монолит за кој светот зборува денес.
„Се наоѓа во многу рурален предел и доколку индивуалци се обидат да го посетат местото каде се наоѓа монолитот, шансите да се заглават и да треба да бидат извлечени со хеликоптерска помош“, потенцираат оттаму.