Кошаркарите на Оклахома ја совладаа Индијана со 103:91 во големото НБА финале, во решавачкиот седми натпревар, со што ја освои својата прва историска титула.

Мечот во Оклахома беше обележан со сериозна повреда на Тајрис Халибартон. Тој ја повреди Ахиловата тетива по само седум минути игра. Одлично го започна натпреварот со три тројки за краток временски период и девет поени, но потоа предвреме го напушти теренот.

Сепак, до крајот на првото полувреме, неговото отсуство од теренот не се чувствуваше премногу. Индијана играше многу добро во нападот, а на полувремето, тимот на Рик Карлајл водеше со 48:47.

Сепак, Оклахома го засили темпото на игра во второто полувреме, благодарение на Гилџес-Александер, поведе со 75:66, а потоа и со 81:68, така што со резултатот од 90:68 беше сосема јасно дека титулата ќе им припадне на играчите на Сити Тандер.

Шеј Гилџес-Александер беше најефикасниот во победничата екипа со 29 поени и 12 асистенции, а потоа следуваа Вилијамс со 20, Холмгрен со 16 поени, осум скокови и пет блокади, како и Карузо и Волас со 10 поени.

Прв стрелец во поразениот тим беше Бенедикт Матурин со 20 поени, 13 скокови и три асистенции. Гилџес-Александер беше прогласен за најкорисен играч во финалето на НБА лигата.