Филип и Дина Глигорови се сопружници и основачи на ресторанот „Различно“ — место чија приказна уште од самиот почеток се развива поинаку од вообичаеното.

Пред официјално да го отворат ресторанот, две години организирале дегустации во својот дом, каде што поканувале гости да пробуваат различни варијанти на пица, без никаков надомест. Гостите најчесто биле случајно избрани луѓе кои ја препознале нивната страст кон храната и идејата зад „Различно“.

Ресторанот официјално започна со работа во ноември 2022 година.

Работното време стартува од четврток до сабота, од 14:00 до 22:00 часот и не е случајно избрано, туку е прилагодено на процесот на подготовка на тестото, кое ферментира од пет до седум дена и има хидрација над 80%, што бара време, внимание и прецизност.