Денеска продолжуваат натпреварите од квалификациите за Светското првенство 2022 во Катар, а шпанската репрезентација од 20.45 часот му гостува на Косово.

Во првиот меѓусебен дуел од овој циклус Шпанците триумфираа над косовската селекција во Севиља годинава со 3:1.

Црвената „фурија“ со нови три бода би направила уште еден важен чекор на патот кон Мундијалот.

Пабло Сарабија, шпанскиот репрезентативец и воедно член на Спортинг Лисабон (на позајмица од ПСЖ) се најде во незгодна ситуација на прес конференцијата во пресрет на денешниот меч.

Имено, косовските новинари забележаа и го прашаа Сарабија зошто избегнува да го користи терминот Косово, туку само вели домашниот тим.

Шпанија не го има признато Косово како држава, а тоа очигледно им е јасно и на фудбалерите на Шпанија, па така Сарабија само им одговори на новинарите дека не го разбира прашањето и само неколку пати замавна со главата.

🥶 @Pablosarabia92 protagoniza el momento más tenso de la rueda de prensa

🗣️ Un periodista local le echa en cara no pronunciar la palabra "Kosovo" y referirse a su rival como "equipo local"

🎙️ "No entiendo la pregunta"#PartidazoCOPE pic.twitter.com/8Z6zk1WaPj

— El Partidazo de COPE (@partidazocope) September 7, 2021