ВИДЕО | Норвежанец го собори светскиот рекорд во „смртоносен скок“: Сцената е застрашувачка
Норвежанецот Кен Сторнс го собори Гинисовиот рекорд во таканаречениот „смртоносен скок“, а видеото од својот подвиг го сподели со повеќе од 600 илјади следбеници на Инстаграм.
Кен го собори светскиот рекорд за највисок „смртоносен скок“, скокајќи во леденото море од височина од 40,5 метри. На видеото се гледа како Кен прво фрла камен во морето, а потоа набрзо самиот скока од карпата со раширени раце, стомак свртен кон морето, токму како што налагаат правилата на оваа опасна дисциплина.
“Како остана жив? Ова е како да удираш во бетон”, му напишал еден следбеник, додека друг додал: “Дали ова болеше, сериозно те прашувам”.
Инаку, смртоносниот скок е форма на екстремно скокање во слободен стил кој во 1972 година го измислил Норвежанецот Ерлинг Бруно Ховден, гитарист кој загинал во сообраќајна несреќа.
Норвешка држи уште еден рекорд за највисок смртоносен скок, во женска категорија. Норвежанката Асбјорг Нешје го постави рекордот од 30,5 метри.