Во малото место Масленица, недалеку од Задар, Хрватска, се случи неверојатен момент на игра помеѓу делфин и група капачи.

Видеото кое беше споделено од хрватските медиуми брзо се прошири на социјалните мрежи и прикажува како еден делфин им се приближува на капачите и им се придружува во играта.

Делфинот ја користи својата муцка со неверојатна леснотија и прецизност за да ја фрли розово-белата топка за плажа кон луѓето. Собрани во плитките води, капачите ентузијастички учествуваат во овој необичен „натпревар“ и ја враќаат топката на својот морски соиграч.

 

View this post on Instagram

 

A post shared by 023.hr (@023.zadar)

Оваа симпатична ситуација предизвика лавина од емотивни реакции на социјалните мрежи.

„Така треба да биде светот“; „Каква чест за тие луѓе со топката!“;  „Дали ја остави топката или ја зеде со себе за да може да се забавува?“, беа дел од коментарите под објавата.