Кошаркарите на Чикаго булс ги победија Мајами хит со 125:118 (31:25, 25:38, 35:21, 34:34) во рамките од НБА лигата, во натпревар во кој „Биковите“ погодија дури 20 тројки од 40 обиди.

Во победата на Чикаго, Ајо Досунму беше најефикасен со 29 поени (5/6 за три), девет асистенции и осум украдени топки. Бузелис постигна 21 поен, а Окоро 20.

Кај Мајами, се истакна Швеѓанецот Пеле Ларсон со 22 поени и седум скока. Бам Адебајо постигна еден поен помалку, додека Хаиме Хакез имаше 20.

Истите тимови ќе играат повторно во Мајами во недела. Ова ќе биде прв пат по Балтимор и Хјустон во 1972 година, два НБА тима да одиграат три последователни натпревари еден против друг во регуларниот дел од сезоната.

И Мајами и Чикаго моментно се во плеј-ин зоната на табелата во Источната конференција. Булси имаат две победи помалку, но и еден одигран натпревар помалку.

НБА лига, резултати:

Индијана – Атланта 129:124
Филаделфија – Њу Орлеанс 124:114
Мемфис – Минесота 114:131
Мајами – Чикаго 118:125
Хјустон – Далас 111:107