ВИДЕО: Непотврдена снимка од непознатиот летечки објект што го соборија Американците над езерото Хјурон
Американската војска денеска соопшти дека соборила неидентификуван летечки објект над езерото Хјурон во северниот дел од државата, блиску до границата со Канада. Претходно беше соопштено дека американските власти итно затвориле дел од воздушниот простор над езерото Мичиген, поради заштита на националната безбедност.
Сличен потег презедоа и канадските власти, а премиерот Џастин Трудо изјави дека тимови од канадски истражувачи пребаруваат покрај брегот на езерото по остатоци од објектот, соборен од американски ловци. Ова е четврти неидентификуван летечки објект соборен од американската војска во последните денови, а властите велат дека станува збор за шпионски летала. Досега Кина беше единствена земја директно обвинета од Вашингтон дека стои зад шпионирањето.
Претставникот на државата Мичиген, Џек Бергман, кој е пензиониран воен офицер, рече дека бил во контакт со своите колеги од Министерството за одбрана и рече дека му било кажано дека летечки објект е забележан како поминува преку Големите езера.
„Војската отстрани уште еден „објект“ над езерото Хјурон“, рече тој.
Неидентификуваниот летечки објект, според изјавата на неименуван функционер цитиран од „Вол стрит џурнал“, имал форма на осмоаголник и летал на височина од околу 6.000 метри, претставувајќи закана за цивилниот воздушен сообраќај, поради што била донесена одлуката да се собори.
На социјалните мрежи се појави снимка за која се тврди дека го покажува наводното летало кое подоцна било соборено, но во моментов нема начин да се провери нејзината автентичност.
Supposedly the UFO that flew over Lake Michigan and was shot down over Lake Huron and the US Air Force shot down within the last hour.
Seems like some sort of drone? pic.twitter.com/XQumtuVeGd— Fam Dogg (@TheFamDogg) February 12, 2023
Жители на блиските региони, пак, објавуваат видеа на кои јасно се гледа како над областа прелетува препознатливиот извидувачки авион „Авакс“ (Е-3 „Сентри“) на американското воено воздухопловство.
Eye witnesses report an E-3 sentry flying over Elmira MI in the direction of the restricted area in Lake Huron. pic.twitter.com/aeZ1ET6gqx
— Citizen Free Press (@CitizenFreePres) February 12, 2023
