Ахмед ал Ахмед, сириски мигрант и татко на две деца од Сиднеј, од болничкиот кревет по три операции раскажува како со голи раце го спречил масакрот на плажата Бонди, пренесе „ABC“.

Без двоумење се фрлил кон вооружениот Саџид Акрам во момент кога тој пукаше кон луѓе кои ја славеле Ханука.

Според австралиската полиција, нападот бил класифициран како терористички чин насочен кон еврејската заедница и заврши со 15 загинати и 40 повредени – најсмртоносното масовно пукање во Австралија од 1996 година.

Акрам бил убиен на лице место, а неговиот син Навид се соочува со 59 обвиненија, од кои 15 за убиство.

Ахмед сведочи дека имал само една мисла во тие секунди: да го запре убивањето.

„Го држев со десната рака и му велев да го фрли оружјето, да престане“, изјави тој за „Си-Би-Ес њуз“.

Успеал да му ја одземе пушката, но другиот напаѓач го застрелал неколкупати во рамото додека се обидувал да го одбрани толпата.

„Не сакам да гледам крв, не сакам да слушам пиштоли. Само сакав да спречам убивање невини луѓе“, рече Ахмед со растреперен глас.

Додека се опоравувал, граѓаните собрале 2,5 милиони австралиски долари за неговото лекување.

Премиерот Ентони Албанезе го нарече „најдобриот од нашата земја“, а премиерот на Нов Јужен Велс, Крис Минс, го опиша како „херој од вистинскиот живот“.

Родителите на Ахмед за „Би-Би-Си“ велат дека „совеста и човечноста на нивниот син го победиле стравот“.

Bondi hero Ahmed al Ahmed has described for the first time, the frightening moment he tackled the older terrorist and wrestled the gun from him.

In his first TV interview, the 44-year-old says his heart and soul compelled him to do it to end the killing. pic.twitter.com/Nt9hykodO4

— 7NEWS Sydney (@7NewsSydney) December 29, 2025