ВИДЕО: Навивачи на Евертон се тепаа меѓу себе, нападнатите биле пријатели на фудбалер на „карамелите“
Фудбалерот на Евертон, Тиерно Бари, обвини дел од навивачите на својот клуб дека за време на гостувањето кај Арсенал физички ги нападнале неговите пријатели на трибините. Тој на социјалните мрежи објави и видео од инцидентот и се обиде да објасни што навистина се случило.
Препорачано
Инцидентот се случил на стадионот „Емирати“ каде што дошло до тепачка меѓу навивачи на Евертон. Снимката од конфликтот брзо се прошири на социјалните мрежи, по што Бари сподели дел од видеото тврдејќи дека во турканицата биле нападнати негови блиски пријатели.
„Ваквото однесување е недозволиво на стадионите. Ги донесов моите пријатели за да уживаат во натпреварот, а сè беше уништено од неколку несериозни луѓе. Фудбалот треба да биде место каде што сите се чувствуваат безбедно и почитувано“, напиша Бари покрај видеото.
Тој додаде дека ваквите сцени не смеат да имаат место во спортот.
„Ова не смее да се толерира во фудбалот. Обезбедувањето на Арсенал ги изнесе од трибините моите пријатели и луѓето кои беа нападнати, а на местото на настанот беше присутна и полицијата“, посочи фудбалерот
Thierno Barry’s friends were attacked at the Emirates Stadium by Arsenal supporters 🙁! This is not good! #ARSEVE #Everton pic.twitter.com/UpsiNqU73A
— The Final Whistle (@Rufus_45) March 14, 2026
