Аталанта во последниов период игра одлично, а добрата форма ја потврди и со триумфот над Парма од 4-0 на домашен терен на „Њу Баланс Арена“. Но, сега клубот од Бергамо се најде во центарот на вниманието и поради една необична сцена.

Имено, англиски навивач на целосно необичен начин успеал неовластено да влезе на стадионот, а целиот случај го документирал и го споделил на социјалната мрежа „Тикток“.

Снимката, објавена во неделата од корисникот „Stanley_2110“, за кратко време стана вирална и покажува како без никаква контрола влегува во домот на Аталанта.

Особено изненадувачки е начинот на кој навивачот го изведе влегувањето. Тој се доближил до местото од каде што доаѓа клупскиот автобус и се обидел да ја погоди шифрата на безбедносната тастатура, избирајќи ја годината на основање на Аталанта, 1907. На негово изненадување шифрата била токму таа, па вратата веднаш се отвори.

This fan got into Atalanta’s stadium using the code 1907, the club’s founding year. 🇮🇹😭pic.twitter.com/3rLQ2QfclM

— CentreGoals. (@centregoals) January 26, 2026