„Прв натпревар на гостински терен и прва победа. Славјето и радоста беше огромна. Голем плус за македонскиот женски фудбал. Бевме во мирување три години, но со новиот претседател работите се сменија на подобро. Тој очекува само успеси“, изјави во Утрински брифинг Наташа Андонова, капитен на македонската фудбалска репрезентација и додаде дека многу треба да се вложува во женскиот фудбал.

-Лигата е слаба, немаме услови за добра работа и напредок, но се надевам дека во наредните години работите ќе се сменат. Сакам да им честитам на момците што се изборија за влез на ЕП. Со самото нивно влагање на првенството тоа носи бенефит и за нас. Финансиите се зголемуваат, има во план градење на стадиони. Плановите се големи и мислам дека за неколку години сето тоа ќе се рализира, вели Андонова.

Говорејќи за нејзиниот професионален ангажман во Шпанија, Андонова вели дека тимот кај што игра – Леванте и оваа година ќе се бори за првото место.

Целиот разговор со најдобрата македонска фудбалерка, Наташа Андонова погледнете го во видеото.