ВИДЕО: Наоми Кемпбел ја покажа својата луксузна вила во Кенија
Кога супермоделот Наоми Кемпбел нема модни ангажмани, таа сака да се релаксира во нејзината луксузна вила во Малинди, Кенија.
50-годишната ѕвезда ги отвори вратите од својот дом во Кенија и направи целосна обиколка за „Architectural Digest“ откривајќи како изгледа нејзиниот сопствен рај кој го поседува над 20 години.
„Ова е многу смирувачко место“, изјави Кембел, која првпат го посетила Малинди во средината на 90-тите години.
„Едноставно немате потреба да бидете на телефон. Не ви треба телевизија. Само сакате да читате и да бидете со себе. Убаво е да уживате во тишина и звукот на штурците“, вели супермоделот.
Вилата на Кемпбел гледа кон Индискиот Океан и располага со базен со солена вода што се протега на отворено од средината на дневната соба. Како што вели, ова е совршено место за опуштени собири со семејството и пријателите.
Инаку, супермоделот стана и официјален амбасадор за туризам во Кенија. Со својата нова улога, таа планира да направи разлика не само во Кенија, туку и во сите 54 африкански земји.
„Го сакам целиот африкански континент, нема една земја што ја сакам повеќе од друга и сакам тоа да биде јасно… Секое место во Африка е волшебно само по себе“, вели Ноами.