Со свечена академија одржана во палатата „Србија“ на 31 мај беше одбележан Денот на Министерството за внатрешни работи и Денот на полицијата во Србија, во присуство на бројни државни функционери.

Она што особено привлече внимание беше необичната музичко-сценска програма во која учествуваа припадници на различни единици и сектори на српската полиција. Нивниот кореографски настап предизвика бројни реакции на социјалните мрежи, а видеото брзо се прошири меѓу корисниците.

Покрај танцовата точка, хорот „Оператикон“, во придружба на полицискиот оркестар, ја изведе песната „Ово је Србија“.

@temerin.danas 🚨 OBELEŽEN DAN MUP-a SRBIJE 📍U Palati Srbija danas je održana svečana akademija povodom Dana Ministarstva unutrašnjih poslova i Dana policije, uz prisustvo državnog vrha i brojnih zvanica. 🏅Predsednik Aleksandar Vučić i ministar Ivica Dačić uručili su odlikovanja pripadnicima policije, dok je ceremoniju pratio bogat kulturno-umetnički program. 🔥 Posebnu pažnju privukli su nastupi Policijskog orkestra, hora Operatikon i plesna koreografija pripadnika različitih jedinica MUP-a. . . . #srbija #temerindanas #videoviral #balkantiktok #trending ♬ original sound – Temerin Danas

На свеченоста присуствуваа и српскиот претседател Александар Вучиќ и министерот за внатрешни работи Ивица Дачиќ.

Во своето обраќање, Вучиќ истакна дека во полицијата работат повеќе од 99 проценти чесни луѓе и порача дека државата ќе продолжи да работи на подобрување на достоинството и угледот на полициската професија.

Тој нагласи и дека законот важи подеднакво за сите и дека никој не е над него.

„Сакам да им порачам на сите – униформата и значката, значката на Министерството за внатрешни работи, значката на полицијата и значката на Република Србија се светиња. Никој не бил, ниту некогаш ќе биде посилен од законот и од државата Србија. Тоа е доказ за нашата сила“, изјави Дачиќ.