Бој Џорџ вечерва ќе се појави на сцената на Евровизија, во рамките на првото полуфинале, но неговиот настап ќе трае исклучително кратко – само 46 секунди.

Музичката икона од осумдесеттите и фронтмен на групата „Калчр клаб“, позната по хитовите „Do You Really Want To Hurt Me“ и „Karma Chameleon“, ќе настапи како гостин на претставничката на Сан Марино, Сенит.

Според мерењата од пробата, Бој Џорџ ќе помине на сцената 46,42 секунди, а ќе пее само околу 15 секунди. Тој ќе се појави за време на 13. настап во вечерта, па евровизиските фанови навистина би можеле да го пропуштат ако трепнат.

И покрај краткото појавување, Бој Џорџ не го крие воодушевувањето.

„Едноставно е лудо што можам да бидам дел од Евровизија. Евровизиските фанови се неверојатно страсни, навистина го сакаат ова натпреварување и веднаш ме прифатија со отворени раце“, изјави тој.

Песната „Superstar“, која ја изведува со Сенит, според него, носи порака што ѝ е потребна на Европа.

„Малку радост и малку фанк – тоа е токму она што ни треба сега“, порача Бој Џорџ.

Иако Сан Марино не котира најдобро на обложувалниците, а шансите за пласман во финалето се проценуваат на околу 21 процент, музичарот не е загрижен.

„Без оглед на исходот, ова за мене е навистина прекрасно искуство“, рече тој.

Вечерва започнува јубилејното 70. издание на Евровизија