ВИДЕО: Молотови коктели врз полицијата во Северна Ирска пред посетата на Бајден
Маскирани напаѓачи денеска нападнаа полицајци во Лондондери, Северна Ирска, фрлајќи молотови коктели и други предмети на незаконски организирана парада против мировниот договор склучен на Велики петок 1998 година, објави полицијата, ден пред посетата на американскиот претседател Џо Бајден на Белфаст.
Во нападот, кој се случил на нелегалниот собир кој се поврзува со Саорад, политичкото крило на „Новата ИРА“, нема повредени, соопшти полицијата, повикувајќи на смиреност, пренесе „Телеграф“.
„Нашите полицајци беа нападнати во Креган со молотови коктели и други предмети фрлени кон нивното возило… Засега нема повредени“, соопшти полицијата.
Денеска се навршуваат 25 години од потпишувањето на мировниот договор од Велики петок, со кој во голема мера заврши тридецениското насилство во Северна Ирска. Малите групи кои се противат на мирот продолжуваат да предизвикуваат спорадично насилство.