Атлетико Мадрид стигна до важна победа од 1-0 против Хетафе во рамки на 28. коло од Ла Лига, а клучниот момент на натпреварот беше вистинската мајсторија на Нахуел Молина.

Аргентинскиот дефанзивец уште во осмата минута се одлучи на шут од голема дистанца и со прецизен и силен удар ја погоди мрежата на гостинскиот голман. Тој гол на крајот се покажа како решавачки, бидејќи „јорганџиите“ успеаја да ја задржат предноста до самиот крај.

Во продолжението Атлетико ја контролираше играта и не му дозволи на противникот да создаде сериозна закана, па трите бода останаа во Мадрид.

По ова коло, Атлетико Мадрид се наоѓа на третата позиција на табелата со 57 бодови, додека Хетафе останува во средината на поредокот, на деветтото место со 35 освоени бодови.