Млада девојка од Украина перидов објавува шокантни снимки на својот профил на социјалната мрежа „ТикТок“ од уништувањето на нејзината татковина и ужасите на војната.

Во моментот кога Русија ја нападнала нејзината татковина, таа била во Велика Британија кај пријатели што ги запознала за време на нејзините студии.

@martavasyuta Reply to @beruangindo09 OPEN YOUR EYES! #ukraine ♬ original sound – Marta Vasyuta

Тешко ѝ било да гледа што се случува на вестите, особено како се прикажува целата ситуација и конечно решила дека мора да го приближи светот до она што навистина се случува.

„Сакам само луѓето да сфатат дека војната во Украина не е проблем само на Украинците, тоа е проблем на сите“, вели 20-годишната девојка.

@martavasyuta Imagine how they feel right now, if they even feel something… #ukraine ♬ original sound – &lt/3

Имено, Марта штом слушнала за инвазијата почнала да ги прелистува украинските канали во апликацијата за размена на пораки „Телеграм“, која е многу популарна во Украина и веднаш почнала да ги споделува најрелевантните вести.

@martavasyuta And the still say they bomb only military objects #ukraine ♬ original sound – Marta Vasyuta

Марта споделила дел од снимките и со бројни медиумски куќи, а тие снимки биле потврдени како автентични, пишува „Би-Би-Си“.

„Можев да видам дека она што луѓето го зборуваат е вистина, дека тоа едноставно се случува“, вели девојката чии објави на „ТикТок“ имаат повеќе од милион прегледи.

@martavasyuta Spread awareness and support Ukraine🇺🇦🙏🏽 #ukraine ♬ bringing the era back yall – chuuyas gf

Оваа девојка верува дека прикажувањето на војната во нејзината татковина преку „ТикТок“ е најмногу што може да направи во моментов, со оглед на тоа што останала во Велика Британија.