Бугарската јавност ја потресе трагична вест од Бургас, каде што мртов во автомобил бил пронајден бизнисменот и претседател на фудбалскиот клуб ОФК Поморје, Христо Бургазлиев.

Според информациите што ги објави бугарскиот медиум „ЕраНова“, телото на Бургазлиев било откриено во автомобил „Ауди“, паркиран во градот. Засега постојат две можни верзии за настанот. Едната е дека станува збор за самоубиство, додека според другата, бизнисменот бил застрелан од непознато лице додека се наоѓал во возилото.

Надлежните институции веднаш започнале истрага. Полицијата веќе ги обезбедила и прегледува снимките од безбедносните камери во близина на местото на настанот, со цел да се утврдат точните околности.

Се очекува во наредниот период истражните органи да излезат со повеќе информации за случајот.