Денеска во петтото коло од најсилното шпанско првенство, фудбалерите на Барселона на гостински славеа над Жирона со 4:1.

После првото полувреме водеше каталонскиот гигант со головите на Јамал во 30 и 37 минута.

На стартот од вториот дел за 3:0 се погрижи Олмо, а во листата на стрелците се запиша и Педри во 64 минута за 4:0.

Единствениот погодок за домаќините го реализираше Стуану во 80 минута. Македонскиот репрезентативец Бојан Миовски беше на клупата за резервни играчи кај Жирона, но не доби минутажа.

На табелата во „Ла Лига“ Барса е на првото место со 15 бодови, додека Жирона после вториот пораз сезонава е на седмата позиција со седум бодови.