Во второто коло од групата „Г“ Абердин стигна до првиот бод во Конференциската лига откако на домашен терен со 1:1 ремизираше со ХЈК.

Финците водеа од 59 минута со голот на српскиот интернационалец Радуловиќ во 59 минута од средбата.

Шкотите го избегнаа поразот во 79 минута со погодокот на македонскиот репрезентативец Бојан Миовски.

За нашиот напаѓач тоа е трет гол сезонава на меѓународната сцена, претходните два ги имаше во плеј-офот на Лига Европа против шведскиот Хакен.

Во составот на ХЈК не беше нашиот голман Дејан Илиев кој се опоравува од повредата.

Од истата група ПАОК со 2:1 триумфираше над Ајнтрахт Франкфурт, па во генералниот пласман Грците се првопласирани со шест бодови, пред германскиот претставник кој има три, а по еден ХЈК и Абердин.

Во другите мечеви од второто коло во Конференциската лига: Астон Вила – Зрињски 1:0, АЗ Алкмаар – Легија 1:0, Чукарички – Генк 0:2, Фиорентина – Ференцварош 2:2, Нордсјеланд – Лудогорец 7:1, Трнава – Фенербахче 1:2.

Bojan Miovski! 🇲🇰🔥

8th goal of the season.

pic.twitter.com/JTnjPSWusV

— Football Macedonia (@MacedonianFoot_) October 5, 2023