Над 30 мигранти безбедно ја прескокнаа оградата на бугарската граница со Турција со помош на скалата. Ова може да се види во неколкуминутното видео кое го снимиле мигрантите и го дистрибуирале на социјалната мрежа ТикТок.

Видеото започнува со упатства на арапски дадени од трговецот со бегалци. Можете да видите неколку мажи како ја извлекуваат скалата, ја потпираат на оградата и еден по еден се качуваат по неа.

Видеото е своевидна реклама, коментира за НОВА експертот за безбедност Славчо Велков. Тој посочи дека скалата чини над 1.000 лева, а тие што ќе успеат да стигнат до Западна Европа ќе добијат пари од работодавачите и тоа е бизнис шема.

Велков рече и дека мигрантите нема да можат да преминат без учество на луѓе од бугарска страна. На видеото се гледа дека тие ја прескокнуваат бариерата среде бел ден и тоа значи дека се сигурни дека никој нема да ги спречи.