Премиерот Христијан Мицкоски на „Фејсбук“ објави дека денеска во Виена се сретнал со дел од македонската дијаспора во оваа земја, со кои, како што пишува во објавата, разговарале „отворено за предизвиците, но и за можностите што ги имаме како држава“.

Мицкоски вели дека на средбите ги повикал нашинците кои живеат и работат во Австрија „да размислат за враќање, за инвестирање и за активно вклучување во развојот на државата“, посочувајќи дека во Владата „работат посветено да создадат стабилна и предвидлива бизнис-клима, која ќе ги охрабри таквите чекори“.

Премиерот во обраќањето пред иселениците во Австрија рече: „вие сте практично додадената вредност на нашето општество“, а рече и дека неговата влада ја смета дијаспората за „нераскинлива алка од нашиот идентитет“, без да навлезе подлабоко во објаснувањето на овие интересни референци.

И Јаневска сподели интересни чувства — иселениците почнале да се враќаат по заслуга на Владата