ВИДЕО: Меси и Интер Мајами елиминирани од КОНКАКАФ Лигата на шампионите
Аргентинскиот фудбалер Лионел Меси со својот Интер Мајами претрпе пораз од Монтереј со 3:1 и со вкупни 5:2 беше елиминиран од најелитното клупско натпреварување на Северна и Централна Америка.
Лигата на шампионите во КОНКАКАФ од оваа сезона се нарекува Куп на шампиони, а Интер Мајами на Меси се прости уште во раната фаза од натпреварувањето.
Во првиот меч Мексиканците победија со резултат 2:1, па имаа малку полесна задача да го потврдат пласманот во реваншот.
Веќе во 31 минута Монтереј поведе со голот на Брендон Васкез, предноста ја зголеми Херман Бертераме во 58 минута.
За 3:0 се погрижи Хесус Гаљардо во 64 минута, а во 85 минута Интер Мајами го постигна единствениот гол кој го реализираше Диего Гомез. Во 78 минута црвен картон во редовите на Интер Мајами доби Жорди Алба.