ВИДЕО | Матета херој, Палас со европски трофеј го испрати Гласнер
Кристал палас испиша историски успех и го освои трофејот во Лига на конференции, откако во финалето славеше минимална победа од 1-0.
Препорачано
Англискиот премиерлигаш во текот на целиот натпревар беше подобар ривал, создаде повеќе шанси и на крајот сосема заслужено стигна до првиот европски трофеј во клупската историја. Првото полувреме помина без голови, а клучниот момент се случи веднаш на стартот од вториот дел кога Жан-Филип Матета ја затресе противничката мрежа за водство на Кристал Палас.
Само неколку минути подоцна англискиот тим можеше и порано да го реши победникот. Фудбалерите на Палас создадоа неколку одлични шанси, а во една акција дури двапати ја погодија рамката од голот, но втор погодок сепак немаше.
Во продолжението, избраниците на Оливер Гласнер се повлекоа на својата половина и дисциплинирано ја сочуваа предноста, не дозволувајќи му на противникот да создаде посериозни можности за израмнување.
Овој трофеј воедно претставува и проштален успех за Гласнер на клупата на Кристал палас, бидејќи веќе е потврдено дека австрискиот стратег ќе го напушти клубот.
✨ Jean-Philippe Mateta’s opening goal in the Conference League final. pic.twitter.com/HOdLSlDJ5S
— RazedFootball (@RazedFootball) May 27, 2026
ВИДЕО | Хаос во Лајпциг: Се степаа хулиганите на Кристал палас и Рајо Ваљекано
