Репрезентацијата на Мароко постигна уште еден голем резултат на Мундијалот во Катар, по стартното реми со светскиот вицешампион Хрватска, денеска ја совлада Белгија со 2:0.

На стадионот „Ал Тумама“ во Доха мароканските фудбалери имаа голема поддршка од своите навивачи кои им возвратија со важен триумф кој може да им донесе пласман во осминафиналето на Светското првенство.

Стрелци на головите беа Сабири во 73 минута (голот можете да го погледнете ТУКА) и Абухлал во судиското надополнување (90+2`) по асистенцијата на Зијеш. Вториот гол можете да го погледнете ТУКА

Вториот меч од второто коло во групата „Ф“ ќе се игра од 17.00 часот помеѓу селекциите на Хрватска и Канада.

Моментно на табелата води Мароко со четири бодови, пред Белгија која има три, Хрватска е трета со еден, а без бодови е Канада.