ВИДЕО: Македонија го совлада Азербејџан во Баку и е блиску до пласман на ЕП 2024

фото: Слободен печат/Слободан Ѓуриќ

Денеска во петтото коло од квалификациите за пласман на Европското првенство 2024 најдобрата македонска женска ракометна репрезентација на гости во Баку го совлада Азербејџан со убедливи 37:22.

После првото полувреме избраничките на селекторот Кристијан Грчевски имаа седум голови позитива од 19:12.

Најефикасна во нашата селекција беше Саздовска со седум голови, шест запиша Ристовска, пет Коларовска, а по четири Гакидова и Младеновска.

На спротивната страна најрасположена беше Бајрамова со седум погодоци, пет имаше Хасанова.

Со овој триумф Македонија е блиску до пласман на континенталниот шампионат, а тоа денеска може да добие потврда доколку Шпанија која е веќе на ЕП од 18.00 часот триумфира или одигра реми во Вилнус против Литванија.

Моментно на табелата во квалификациската група „5“ Шпанија е првопласирана со осум бодови, шест има Македонија, а по два Литванија и Азербејџан.

Нашите најдобри ракометарки овој квалификациски циклус ќе го завршат в недела на 7 април во СЦ „Борис Трајковски“ во Скопје против Литванија (18.00 часот), а влезот за јавноста е слободен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот