Македонскиот напаѓач Марио Крстовски ја продолжи добрата форма и повторно се запиша меѓу стрелците за Истанбулспор, но неговиот погодок не беше доволен да се избегне тешкиот пораз. Тимот од Истанбул на домашен терен беше убедливо совладан од Трабзонспор со 6-1.

Крстовски го постигна единствениот гол за домаќините во 29. минута, но тоа беше сè што Истанбулспор успеа да направи на овој натпревар. Гостите до крајот на првото полувреме израмнија на 1-1, а во продолжението целосно доминираа и постигнаа уште пет погодоци. Дополнителен проблем за Истанбулспор беше и исклучувањето на Фахри Керем во 54. минута, по што задачата стана уште потешка.

За Крстовски ова беше петти гол на 15 настапи во турското првенство, а има уште два погодоци во Купот на Турција. Покрај тоа, македонскиот фудбалер сезонава запиша и две асистенции.