Американската Национална лабораторија Сандија, во соработка со Националната лабораторија Лос Аламос ( кои вршат различни видови истражувања во врска со нуклеарното вооружување) заедно со американското воздухопловство, успешно тестираше интеграција на новата нуклеарна гравитациска бомба (Б61 -12) и повеќенаменскиот ловец Ф-35А.
На објавената снимка се гледа еден од пробните прелети на авионот, во текот на кој првпат е фрлена инертна верзија на бомбата, при брзина на летот поголема од брзината на звукот.
Суперсоничниот тест е спроведен во август на аеродромот за тестирање Тонопа во Невада, кој уште од 50-тите години се користи за различни видови на нуклеарно и друго авионско вооружување.
Авионот Локхид Мартин Ф-35 Лајтнинг II бомбата Б61-12 ја фрли од висина од 3.200 метри. На проектилот му беа потребни 42 секунди да ја погоди метата.
