Лос Анџелес Лејкерс водат разговори со Оклахома Сити Тандер за ангажирање Денис Шрудер (27), во т.н. размена, пренесува новинарот на „ЕСПН“, Адриан Војнаровски.

Според информациите се очекува актуелниот НБА шампион за германскиот репрезентативец да ги понудат искусниот Дени Грин и правото на 28 пик на драфтот кој ќе биде одржан в среда.

Сето ова може да биде реализирано веќе наредниот понеделник, бидејќи претходно клубови кои покажаа интерес за Шрудер започнаа со други опции.

Шрудер беше 17 пик на Атланта на драфтот во 2013 година, а после пет сезони поминати во дресот на Хакси, се пресели во Оклахома.

Минатата сезона имаше просек од 18,9 поени, 3,6 скока и четири асистенции по меч, а „езерџиите“ во него гледаат разноврсен играч кој би им значел многу во напорите да ја одбранат титулата.