Најмладиот син на Дејвид и Викторија Бекам, Круз Бекам, се расплака за време на настап во Лондон додека изведуваше песна за која се верува дека е посветена на неговиот брат Бруклин Бекам, со кого семејството има долгогодишна караница, пишува „Дејли мејл“.

За време на концертот во лондонскиот театар „Кортјард“, 21-годишниот пејач ја изведе емотивната песна „Најосаменото момче“, а според сведоците, во еден момент бил видливо потресен, па на сцената го тешел член на бендот.

Публиката забележала дека текстот на песната е полн со тага и пренесува чувство на напуштеност, поради што многумина веруваат дека се однесува на неговиот постар брат, со кого веќе некое време нема близок однос.

@tomshowbiz Cruz Beckham gets emotional and is comforted by his guitarist during Loneliest Boy, which appears to be a song about his brother Brooklyn and includes the lyrics: “Loneliest boy, mama don’t talk too much / It’s breaking hеr heart / It shows in the small things that you don’t do.” #cruzbeckham #brooklynbeckham #davidbeckham #victoriabeckham #CapCut ♬ original sound – tomshowbiz

Во публиката биле и неговите родители, Дејвид и Викторија Бекам, како и неговиот брат Ромео, кои го поддржувале за време на настапот. Според британските медиуми, и тие биле емотивни додека ја слушале песната.

Семејните тензии меѓу Бруклин и остатокот од семејството траат со месеци. Тој претходно јавно ги обвини своите родители дека го контролираат неговиот приватен и професионален живот и изјави дека не сака помирување.

Конфликтот дополнително се продлабочи по неговата венчавка со Никола Пелц, а комуникацијата со семејството наводно беше сведена на минимум.

Иако членовите на семејството продолжуваат јавно да му се обраќаат преку социјалните мрежи, извори блиски до семејството тврдат дека врската е сè уште прекината, додека Круз, како што изгледа, се обидува да ги изрази сопствените емоции и искуството од целата ситуација преку музика.

ФОТО | Среде семејната драма: Круз Бекам со нова тетоважа и силна порака