ВИДЕО | Кое е чувството да се биде жив: Бијонсе со нова песна „Be Alive“ за филмот „King Richard“ за сестрите Вилијамс
„Убаво е чувството да се биде жив“, започнува текстовното видео на новата песна на Бијонсе, кое воедно е и насловна песна од саундракот на новиот филм „King Richard“. И е нејзина прва песна по повеќе од една година пауза од музичко изразување.
Бијонсе ги „има сите сестри покрај себе“ додека создава песна која легендарно ќе го одбележи биографскиот филм за сестрите кои го одбележаа светот на тенисот. Пејачката создаде музичка песна која совршено ги отсликува слоевитоста, хармонијата, интригантноста и ударноста, но и борбата на потемната кожа на приказната за Венус и Серена Вилијамс преку музички ноти.
View this post on Instagram
Песната беше промовирана на истиот ден од премиерата на овој допрва легендарен филм „King Richard“, кој спротивно на претпоставеното, не зборува за англиската историја туку за семејната борба на две од најголемите светски тенисерки на денешницата и нивниот татко Ричард, кој на филмското платно го претставува Вил Смит.
View this post on Instagram
Соло песната, која Бијонсе ја создаде со продуцентот и текстописец Диксон, веќе започна да „крева прашина“ околу можноста да се закраси со оскаровска титула за Најоригинална Песна, а и громовито ги освои симпатиите на фановите кои нетрпеливо го очекуваат нејзиниот нов албум.
„Бев во студио година и половина. Понекогаш е потребна и цела подина за мене лично за да ги пребарам илјадниците звуци за да пронајдам кој е правилниот кик или добош. Еден рефрен може да има преку 200 наведени хармонии“, изјави Бијонсе во неодамнешно интервју.
View this post on Instagram
Но, сепак, нема ништо повеќе од количината на љубов, страст, и заздравување кое го чувствува таа во самото студио за снимање, а и по 31 година чувствува подеднаква возбуда како и кога имала само 9 години.
„Да, нова музика надоаѓа“, додаде Бијонсе.