Кошаркарите на Кливленд кавалирс ги победија Детроит пистонс со 116:109 дома во третиот натпревар од полуфиналето на Источната конференција во НБА лигата и ја намалија разликата во серијата на 2:1 во победи. Кливленд, кој е непоразен дома во овогодинешните плејоф натпревари на НБА, го предводеа Денис Мичел со 35 поени и Џејмс Харден со 19, вклучувајќи седум во последните две минути од натпреварот.

Најдобар играч на Детроит беше Кејд Канингем, кој забележа трипл-дабл со 27 поени, 10 скока и 10 асистенции. Четвртиот дуел, во серијата на четири победи ќе се игра за два дена, исто така во Кливленд.

Оклахома убедливо го совлада ЛА Лејкерс со 131:108 во третиот натпревар од полуфиналето на Западната конференција. По неизвесно прво полувреме, актуелните шампиони целосно доминираа во остатокот од натпреварот. Ги предводеа Аџај Мичел со 24 поени и 10 асистенции и Шеј Гилџес-Александер со 23 поени и девет асистенции.

За Лејкерси, кои сè уште се без својот најдобар играч, повредениот Лука Дончиќ, Руи Хачимура со 21 и Леброн Џејмс со 19 поени беа први стрелци.

Оклахома води во серијата со 3:0, а следниот натпревар е за два дена повторно во Лос Анџелес.