Најмладата ќерка на покојниот Стив Џобс, Ив Џобс, се омажи за олимпискиот коњаник од коњичкиот тим на Велика Британија, Хари Чарлс, на раскошна церемонија пред пријатели од високото општество и членови на семејството, во идиличното село Котсволдс.

Мештаните изразија разочарување што не успеале да ја видат прекрасната невеста, бидејќи таа „се протнала“ низ задната врата, но можеле да уживаат во погледот на прекрасните деверуши во црвени фустани.

Церемонијата го привлече вниманието на медиуми, а се шпекулираше и дека вдовицата на покојниот извршен директор на „Епл“и мајка на Ив, Лорен Пауел Џобс, ќе ја плати свадбата, која чини речиси 7 милиони долари.

Црквата била украсена со раскошен цветен аранжман од илјадници црвени рози и гранки од габер, додека внатрешноста била украсена со свеќи и скап персиски тепих.

Гостите пристигнале на свадбата во луксузни лимузини „Мерцедес“ и „Ренџ Ровер“, а меѓу нив беше и Џесика Спрингстин, ќерка на легендарниот музичар Брус Спрингстин, која беше една од деветте деверуши.