ВИДЕО | Ќе ве насмее до солзи: Ова е најсмешната сцена во историјата на ситком сериите
Ситком сериите се секогаш одличен повод да се забавуваме и релаксираме, најмногу бидејќи лесно можеме да се пронајдеме во животните ситуации на ликовите. Често дел од смешните сцени остануваат долго во нашата меморија, а кога ќе се присетиме истата сцена повторно ќе не расположи.
View this post on Instagram
Сцената од серијата „Сплетки“, во која Дел Бој пропаѓа низ отворен шанк, е избрана за најсмешната во британските серии на сите времиња.
Станува збор за сцената во која Дел Бој (Дејвид Џејсон), за време на едно вечерно излегување, се потпира на шанкот – кој во меѓувреме е подигнат, без тој да забележи – и паѓа на подот. Во исто време, неговиот пријател Тригер (Роџер Лојд Пак) не ни регистрира што се случило, пренесува „NME“.
Две илјади Британци ја изгласаа таа сцена за најсмешна во анкетата што ја спроведе телевизискиот канал Голд по повод 30-годишнината од постоењето.
Истата анкета откри и дека „Сплетки“ е омилена серија на островот со 29 отсто гласови, додека Дел Бој е убедливо омилен лик со дури 59 отсто гласови.
View this post on Instagram
Минатата година сцената со отворениот шанк беше прогласена за најсмешна во серијата „Сплетки“, во анкетата на „Рејдио тајмс“, по повод 40-годишнината од популарниот ситком.