ВИДЕО | Кенеди за исхраната на Трамп: Не знам како уште е жив, јаде многу лоша храна
Американскиот министер за здравство и човечки услуги, Роберт Ф. Кенеди Џуниор, во подкаст ги коментираше навиките во исхраната на Доналд Трамп, нагласувајќи дека е изненаден што претседателот на САД е сè уште жив со оглед на количината на она што тој го нарече „отров“ што ја внесува секојдневно.
Препорачано
-
1
-
2
-
3
Кенеди беше гостин во подкаст воден од Кејти Милер, сопруга на заменик-шефот на кабинетот на Белата куќа, Стивен Милер. Кога го прашаа кој има „најоткачени навики во исхраната“, Кенеди застана, а потоа одговори: „Претседателот“.
„Не знам како е сè уште жив“, рече Кенеди за Трамп, додавајќи дека претседателот „јаде навистина лоша храна – Мекдоналдс, бонбони и диетална Кока-Кола“. Според Кенеди, додека Трамп е во Белата куќа или во Мар-а-Лаго, тој се храни поздраво. Но, за време на патувањето, тој често јаде брза храна „затоа што ѝ верува и не сака да се разболи додека е на пат“.
Ако патувате со него, добивате впечаток дека се полни со отров цел ден и не знаете како воопшто оди, а камоли како успева да биде најенергичната личност што некој од нас некогаш ја сретнал“, нагласи Кенеди.
Health and Human Services Secretary Robert F. Kennedy Jr. opens up about President Donald Trump’s unhinged eating habits
“I don’t know how he’s alive, but he is.”
— No Jumper (@nojumper) January 14, 2026
По годишниот систематски преглед на претседателот во април минатата година, лекарот на Трамп изјави дека претседателот е во „одлична здравствена состојба“, а Трамп им рече на новинарите дека чувствува дека е „во многу добра форма“.
Сепак, неговите наоди се внимателно анализирани со години, а фокусот на неговата телесна тежина, историјата на срцеви заболувања и видливите знаци на стареење доведоа до фактот дека речиси половина од Американците веруваат дека Трамп не е целосно транспарентен кога станува збор за неговото здравје, според анкетата на YouGov и The Economist од мај.
Склоноста на претседателот кон нездрава храна е добро документирана со години. Во книгата „Нека Трамп биде Трамп“ од 2017 година, напишана од двајца поранешни негови соработници, се наведува: „Во Форс уан (Force One) на Трамп имаше четири главни групи на храна: „Мекдоналдс“, пржено пилешко од Кентаки, пица и диетална Кока-Кола“.
ВИДЕО и ФОТО: Доналд Трамп послужуваше во Мекдоналдс за да ја исмева Камала Харис
За време на изборната кампања во 2024 година, Трамп посети „Мекдоналдс“ во Пенсилванија и работеше на шанкот за возење, а кога ги угости „Клемсон Тајгерс“ во Белата куќа во 2019 година откако го освои националното првенство, им послужи „Биг Мек“ и помфрит, како и храна од „Вендис“, „Бургер Кинг“ и пица.
Тој им рече тогаш на новинарите дека мисли дека тоа е „нивната омилена храна“. Посетата се случи за време на затворањето на федералната влада, а Трамп рече дека ја платил храната со свои пари.
