Американската раперка Карди Би јавно им се извини на своите обожаватели што ги охрабрила да го купат нејзиниот нов албум кога кириите се толку високи.

33-годишната музичарка минатиот месец го издаде својот долгоочекуван втор албум, „Am I The Drama“, нејзин прв целосен проект од 2018 година. Иако новите песни беа пречекани со позитивни критики, Карди неуморно го промовираше албумот на социјалните мрежи, па дури и продаваше копии на улица.

Сепак, ѕвездата им се обрати на фановите и им се извини откако сфати со какви трошоци за живот се соочуваат жителите на Њујорк. Лежејќи на кревет, веројатно во хотелска соба, таа коментираше за цените на киријата, пишува „Дејли мејл“.

@nowthisimpact‘I didn’t realize how quickly they rent the rent prices, and I’m out here asking y’all to by my album. I’m so sorry, y’all.’♬ original sound – NowThis Impact

„Премногу е, како по ѓаволите стан со една спална собачини 1.500 долари… Не знам како луѓето преживуваат“, рече таа во шок.

„Многу ми е жал што ве молев да ми го купите албумот, а економијата е ваква во моментов. Киријата е толку висока, многу ми е жал“, додаде таа, заклучувајќи: „Лудо е, жал ми е што ви реков да ми го купите албумот.“

@fruit.jamztv Cardi B says she was shocked how expensive rent was in the poorest parts of New York after trying to help her friend get an apartment in Brooklyn #cardib #cardi #bardigang #newyork #fyp ♬ original sound – fruit.jamztv

Нејзината изјава не е без основа. Порано оваа година, „Дејли мејл“ објави дека блискиот Њуарк, Њу Џерси, е водечки град во САД по раст на цените за изнајмување, со зголемување од 8,1 отсто, каде што просечната цена скокна од 2.073 долари на 2.241 долари.

Искрените коментари на пејачката предизвикаа лавина од позитивни реакции, а многумина ја пофалија нејзината скромност и приземјеност.

„Тејлор Свифт никогаш не би можела да излезе со ова ниво на одговорност/скромност“, напиша еден корисник. „Доста ми е. Дајте ѝ ја претседателската номинација“, коментираше друг, додека трет додаде: „Таа се сеќава колку тежок бил животот пред да стане позната. Таа е една од ретките кои навистина се мачеа и можат да сочувствуваат со луѓето“.