Камила Кабело (28) ја најави својата претстојна турнеја „Ваша, К“ (Yours, C) на TикТок, на малку хумористичен и духовит начин, инспирирана од Кети Пери. На видеото што го објави, таа стои пред црвен ѕид, држи постер со датуми за концерти, а над видеото напиша: „Немав буџет да летам во вселената за да ги промовирам датумите на турнејата, па го направив овој ТикТок“.

@camilacabello @Katy Perry ♬ E.T. – Katy Perry

Во натписот на објавата, таа на хумористичен начин ја означи Кети Пери и додаде: „Кејти Пери хехехе те сакам“. Камила се шегуваше за неодамнешниот вселенски лет на Кети Пери, која помина 11 минути во капсула Blue Origin на 14-ти април. За време на нејзиното време во нулта гравитација, Пери (40) покажа парче хартија во форма на пеперутка со наводна сет листа за нејзината турнеја „Lifetimes“.

Турнејата на Кабела започнува на 21-ви јуни со настап на фестивалот Starlite Occident во Марбела, Шпанија и продолжува со концерти низ Европа, Азија, Австралија и Јужна Америка. Завршува на 14 септември во Сао Паоло, Бразил. Оваа турнеја е прва на Камила по повеќе од седум години и го следи нејзиниот четврти студиски албум C XOXO, објавен минатата година.