ВИДЕО: Каков меч во Торино, Заза го „украде“ шоуто на Берарди!
Денеска во рамките од 24 коло во најсилното италијанско првенство составот на Торино славеше против Сасуоло со 3:2.
После првото полувреме водеа гостите со головите на Берарди кој стрелаше во шестата и 38 минута од средбата во Торино.
Во вториот дел се случи пресвртот на „биковите“, а еден од најзаслужните беше Заза кој настапи од 72 минута. Само пет минути од неговото влегување успеа да ја намали негативата, потоа во 87 минута израмнувањето се случи преку Мандрагора.
Конечниот епилог го постави Заза со вториот погодок во самиот финиш од мечот (90+2`) после асистенцијата на Ансалди.
На табелата Сасуоло е на осмата позиција со 39 бодови, додека четвртата победа на Торино беше многу важна во битката за опстанок во Серија А, моментно е на 17 место во безбедната зона со 23 бодови.