Кошаркарите на Денвер нагетс убедливо на гости го победија Портланд трејлблејзерс со 103:157 (27:41, 26:41, 32:43, 18:32) во натпревар од регуларниот дел на сезоната во НБА лигата.

Нагетс го победија Портланд со неверојатни 54 поени разлика, соборувајќи го рекордот поставен во 2008 година кога ги победија Сиетл суперсоникс со 168:116 на 16 март.

Благодарение на новиот триумф, тимот на Дејвид Аделман останува на третото место во конференцијата и покрај одличниот ритам на тимовите на врвот на табелата на Западот.

Составот од Колорадо беше предводен од српскиот центар Никола Јокиќ кој запиша 32 поени, девет скока и седум асистенции. Во редовите на Портланд, Џру Холидеј беше најефикасен кој постигна 19 поени.

НБА лига, резултати:

Шарлот хорнетс – Кливленд кавалирс 113:118
Мемфис гризлис – Јута џез 123:114
Вашингтон визардс – Индијана пејсерс 131:118
Атланта Хокс – Мајами хит 97:128
Минесота тимбервулвс – Далас маверикс 122:111
Њу Орлеанс пеликанс – Милвоки бакс 118:139
Оклахома Сити тандер – Бруклин нетс 105:86
Лос Анџелес лејкерс – Лос Анџелес ллиперс 125:122
Портланд трејлблејзерс – Денвер нагетс 103:157