Славната холивудска актерка Шерон Стоун имала тешко детство исполнето со физичко насилство, за кое пишуваше во автобиографијата „Убавината да се живее двапати“, но и често зборува во јавноста.

Сега, Стоун отворено зборуваше за својот однос со татко ѝ во новата епизода од подкастот „Лицето кое веруваше во мене“, водена од дописникот на „Си-би-ес“, Дејвид Бегно.

Актерката раскажа дека татко ѝ често ја казнувал со ремен, а понекогаш дури и ја буткал по скалите пред да продолжи со тепањето.

– Татко ми беше доста фантастичен човек, навистина супер емпатичен. Беше толку софистициран, жилав, паметен и кул – му рекла Стоун на Бегно во епизодата.

Сепак, таа вели дека тој не бил секогаш нежен.

– Беше построг кон мене отколку кон мојот помлад брат – рекла Стоун.

Сепак, кога имала 14 години, решила да му се спротивстави, затоа што, како што вели таа бил „тепач“.

– Татко ми викаше од приземјето да се симнам. Знаев што следува. Почнав полека да се симнувам по скалите. Се симнував како кралица на Франција – се присетила актерката.

Кога стигнала пред него, му се втурнала во лицето и го прашала дали навистина мора да ја тепа за да се чувствува како маж.

– Ако ти е тоа потребно, тогаш ајде да завршиме со тоа. Но, јас никогаш повеќе нема да те сакам. Завршив со тебе – му рекла таа.

Нејзината реакција целосно го затекнала нејзиниот татко, кој наместо да ја удри, почнал да плаче.

– Плачеше. Ми кажа: „Оди во соба!“ И никогаш повеќе не удри никого. Почнавме да зборуваме и станавме навистина блиски – открила Стоун.

Таа открила и дека во текот на нејзиниот живот и кариера, нејзиниот татко станал нејзин најблизок доверлив човек.

ВИДЕО | Шерон Стоун одбива да робува на трендовите и старее природно: „Треба ли да се плашиме кога ќе се погледнеме во огледало“