Конечно излезе долгоочекуваниот трејлер за филмот за легендарниот американски композитор Леонард Бернштајн.

Бредли Купер и Кери Малиган ги оживуваат Леонард Бернштајн и Фелисија Монтеалегре во првиот официјален трејлер за филмот „Maestro“, кој ексклузивно ќе биде прикажан во кината на 22 ноември, а на Нетфликс ќе пристигне на 20 декември, пишува „Варајети“.

Во трејлерот, Купер и Малиган патуваат низ времето, додека парот доживува љубов, предавство и музика. Филмот го опфаќа професионалниот живот на Бернштајн, но ги обезличува неговите комерцијални достигнувања во корист на фокусирањето на неговиот комплициран однос со Монтеалегре.

„Ако летото не пее во тебе, тогаш ништо не пее во тебе“, вели Бернштајн на почетокот на трејлерот како старец, нежно свирејќи на пијано.

Подоцна во трејлерот, прикажувајќи ја младата двојка пред повеќе децении, Фелисија ја завршува реченицата: „И ако ништо не пее во тебе, тогаш не можеш да правиш музика“.

Додека трејлерот минува низ годините, Купер го прикажува легендарниот американски диригент и композитор додека свири музика на поткровје и високите катедрали.

За овој филм Бредли Купер беше режисер, ко-сценарист, продуцент и главна улога заедно со Кери Малиган, Мет Бомер, Маја Хоук, Сара Силверман, Џош Хамилтон, Скот Елис и Гидеон Глик.

Мартин Скорсезе и Стивен Спилберг се продуценти покрај Фред Бернер, Ејми Дурнинг и Кристи Макоско Кригер. Карла Рај, Џош Сингер, Боби Вилхелм, Вестон Мидлтон и Трејси Лендон кои се извршни продуценти. Сем Нивола, Алекса Свинтон и Миријам Шор исто така се дел од актерската екипа.

Светскиот филм „Maestro“ премиерно беше прикажан на 2 септември на Fилмскиот фестивал во Венеција, каде што доби седумминутни овации, а потоа беше гала-филм во центарот на вниманието на Филмскиот фестивал во Њујорк.

Во продолжение погледнете го трејлерот: