Австриецот Штефан Ембахер блесна на отворањето на натпреварувањата во Викерсунд, триумфирајќи со импресивни скокови од 232 и 225 метри. Зад него се пласираа Томофуми Наито и Норвежанецот, Јохан Андре Форфанг, додека младата надеж Исак Лангмо заврши на четвртата позиција.

Во топ пет се најде и шампионот Домен Превц, кој со овој настап успеа да ја надмине границата од 2.000 бодови во сезоната, потврдувајќи ја својата константна форма.

Сепак, покрај резултатите од настанот вниманието го привлече и страшниот пад на Андреа Кампрегер. Италијанскиот натпреварувач доживеа вистински кошмар на тренингот, откако ја загуби контролата и падна уште на 80-метарската линија.

 

View this post on Instagram

 

A post shared by Pod Narty (@podnarty)

Кампрегер веднаш беше пренесен во болница, а првичните информации се дека се здобил со потешки повреда. Според најавите, оваа несреќа би можела да значи и предвремен крај на неговата кариера, особено ако се земе предвид дека и претходно најави повлекување по настапот на Зимските олимписки игри во Кортина и Милано.