ВИДЕО: Италија им се врати на победите, Германија доминира под палката на Флик, дербито без победник
Актуелниот европски шампион Италија по киксот во претходните два меча во квалификациите за Мундијалот во Катар кога одигра нерешено против Бугарија и Швајцарија, вечерва ја растури Литванија и им се врати на победите.
Италијанците славеа со 5:0, а работата ја завршија уште во првото полувреме кога со головите на Моисе Кин (два гола), Распадори и автоголот на Уткус имаше предност од 4:0. Конечниот резултат го постави Ди Лоренцо во второто полувреме.
Репрезентацијата на Германија под водство на новиот селектор Ханси Флик игра одлично и на трите натпревари во септемри има три победи со гол разлика 12:0. Последна жртва на Германците е Исланд кој е совладан со 0:4. Гнабри, Рудигер, Сане и Вернер ги постигнаа головите за „панцирите“.
Дербито на вечерта се одигра во Варшава каде Полска и Англија одигра без победник 1:1.
Англичаните поведоа со голот на Хари Кејн во 72 минута, но Шимански во судиското продолжение донесе израмнување.
Резултати:
Група Б
Грција – Шведска 2:1
Косово – Шпанија 0:2
Група Ц
Северна Ирска – Швајцарија 0:0
Италија – Литванија 5:0
Група Е
Белорусија – Белгија 0:1
Велс – Естонија 0:0
Група И
Албанија – Сан Марино 5:0
Полска – Англија 1:1
Унгарија – Андора 2:1
Група Ј
Ерменија – Лихтенштајн 1:1
Исланд – Германија 0:4
МАКЕДОНИЈА – Романија 0:0
