Ирански дрон денеска го погоди хотелот „Ербил Арџан бај Ротана“ во ирачкиот регион Курдистан. Новинари од терен јавуваат за експлозија и чад што се издига над зградата во Ербил, пишува Франс прес.

Американската амбасада во Багдад претходно денеска предупреди дека милитантни групи поврзани со Иран би можеле да извршат напади врз хотели во ирачки Курдистан кои ги посетуваат странци. Предупредувањето беше објавено на социјалната мрежа Икс.

Security Alert – U.S. Embassy Baghdad, Iraq – March 6, 2026 (Update 1)

Location: Iraq

Event

Update: Iran-aligned terrorist militia groups may seek to target hotels frequented by foreigners in the Iraqi Kurdistan Region. U.S. citizens are strongly encouraged to depart as… pic.twitter.com/6KA8MirKhR

— U.S. Embassy Baghdad (@USEmbBaghdad) March 6, 2026

Претходно денеска, со дронови беше погоден камп на организацијата Хабат од ирански Курдистан, курдска група со седиште во ирачката автономна регија Курдистан. Извршени се два напада со дронови во кои се повредени две лица.

Борци од таа група изјавија дека нападот целосно ги изненадил. Тие не веруваат дека дронот е лансиран од Иран, туку сметаат дека за нападот се одговорни групи во Ирак кои се поврзани со Иран.

Iranian drones attacked the positions of Kurdish separatists, supported by the CIA in Erbil, Iraq. pic.twitter.com/BZhRZosHpA

— Sprinter Press (@SprinterPress) March 6, 2026

Додадоа дека не биле во контакт со Американците ниту со Израелците, ниту пак добиле поддршка од нив, но тврдат дека се подготвени да покренат копнени операции.

Политичкото раководство во северен Ирак има поинаков став. Претседателот на ирачката автономна регија Курдистан, Нечирван Барзани, порача дека ирачки Курдистан нема да учествува во никаков конфликт ниту во воена ескалација.

Курдите во состојба на готовност: Дисидентски групи од Ирак се приближуваат кон границата со Иран