Надзорна камера успеа да го долови моментот кога паркиран автомобил во израелскиот град Кафр Касим беше погоден од делови од иранска ракета каде возилото од експлозијата буквално летна во воздух.

Видеоснимката објавена на социјалните мрежи, исто така, прикажува како две лица пред експлозијата излегуваат од автомобил паркиран до погоденото возило и влегуваат во блиската куќа, само 25 секунди пред експлозијата.

Би-би-си ја потврди автентичноста на снимката споредувајќи ја прикажаната улица со сателитски снимки од областа.

Израелската служба за итни случаи „Маген давид адом“ соопшти дека пет лица се повредени откако касетна муниција го погодила градот, кој се наоѓа на околу 20 километри североисточно од Тел Авив во централен Израел, пренесуваат медиумите.