Македонските фудбалери Давид Бабунски и Кристијан Трапановски ја заокружија сезоната во шкотскиот шампионат со победа и нивниот Данди јунајтед славеше со 2-1 на домашен терен против Абердин, во последното коло од првенството.

Славјето на „Танадис парк“ не можеше да помине без инциденти. Веднаш по последниот свиреж на судијата, стотици навивачи на Данди втрчаа на теренот за да ја прослават победата, но атмосферата се вжешти кога од гостинската трибина беше фрлено столче.

Несреќно, столчето заврши директно во главата на играчот на Абердин, Џек Мекензи, кој веднаш доби лекарска помош. Менаџерот на Абердин, Џими Телин, по натпреварот потврди дека фудбалерот е во стабилна состојба, но остро ги осуди сцените на насилство.

„Добро е, се чувствува стабилно, но ова не смее да се случува на фудбалските терени. Мора да се воведе ред и да се заштитат играчите“, изјави Телин.

Aberdeen’s Jack McKenzie is wheeled down the tunnel after treatment. As yet unconfirmed suggestions that he may have been struck by a seat thrown by the Dons fans, aiming at United counterparts clearly. Certainly hit by some sort of projectile. pic.twitter.com/V6wOL03gnB

— Alan Temple (@alanftemple) May 17, 2025