ВИДЕО | Импресивен вокал: Погледнете ја првата проба на Тамара Грујеска на детската Евровизија
Вечерва беше објавена кратка снимка од првата проба на нашата годинашна претставничка на детската Евровизија, Тамара Грујеска.
Нашата музичка надеж блесна на големата евровизиска сцена и имаше импресивна вокална интерпретација, покажувајќи мал дел од она што ќе нѐ очекува во големото финале, кое ќе се одржи во недела, на 26 ноември, со почеток од 16 часот.
Како потсетување, Тамара Грујеска ќе ги брани боите на Македонија со моќната балада „Кажи ми, кажи ми кој“, чиј композитор е Роберт Билбилов. Текстот е, исто така, дело на Билбилов, но и на Коста Петров, кој ја напиша и најуспешната евровизиска песна на Македонија – „Proud“ на Тамара Тодевска. Што се однесува до аранжманот, на него работеше и веќе докажаниот композитор Дарко Димитров.
Нашата претставничка ќе настапи со реден број 6, а годинава учествуваат 16 земји учеснички.