Екипата на Охрид во неделата ја совлада Татабања и го крена трофејот во Европскиот куп. Салата „Билјанини извори“ беше претесна да ги прими сите љубители на ракометната игра кои сакаа да бидат дел од испишувањето на историјата покрај езерото.

Два дена по натпреварот од унгарска Татабања се обидуваат да фрлат дамка на атмосферата и организацијата, обвинувајќи за расизам од охридската публика кон нивниот ракометар Баптист Дамартин.

Француското лево крило вели дека му бил упатуван среден прст а слушал и мајмунски извици.

„Најпрвин ми беше покажуван среден прст при секој напад, но не обрнував внимание бидејќи сум гледал такви ситуации и во минатото. Тогаш, понав да слушам мајмунски извици од луѓе кои со прстот покажуваа кон мене. Збеснав во истиот момент, реагирав, по што почнаа да ме плукаат од трибините, мене и моите соиграчи кои беа во шок. Најмногу ме разочара делегатот, кој како да не сакаше да знае што се случува. Само ми викаше да седнам и да бидам мирен, не ме ни праша зошто сум толку вознемирен“, изјави Баптист Дамартин.

Force à Baptiste Damatrin

Acte raciste intolérable envers Baptiste Damatrin lors de la finale de C3 entre Ohrid et Tatabanya. Un ou des personnes dans les ultras d'Ohrid ont mimé un singe.
Grave, criminel et inacceptable partout y compris lors d'un match de handball. pic.twitter.com/nDjcMzw5g8

— Intervalle Handball (@HandIntervalle) June 1, 2026

Нема информација дали Татабања го пријавила случајот во ЕХФ.

Историско славје за Охрид, трофејот од ЕХФ купот остана во Македонија